Shillong, Nohprah 01 : U Nongialam ka UDP bad Myntri Sorkar Bah Paul Lyngdoh ha ka sngi Thohdieng ula ong ba ka kam ban ithuh ia u/ka kyrtong ban iakhun ia ka elekshon MP-Lok Sabha na ka party, yn sa pyndep noh hapoh ka shibnai.
Haba iakren bad ki nongthoh khubor, u Bah Paul ula ong “Haba iadei bad ka UDP, ngi la dep iaid shakhmat bad ka kam ban ithuh ia u.ka kyrtong jong ngi bad ka kam ka dei ban dep noh ha une u bnai ban wan lane kham hashuwa ia ka”.
Ula iathuh ba u President barim ka Hynniewtrep Youth Council (HYC) Robertjune Kharjahrin u dei uweii na kiba la pynpaw ba u don jingkwah ban iakhun na ka Shillong Parliamentary seat.
“Haba ngi iakren, kila don 3-4 ngut ki briew ba pan ticket bad nga tharai hapoh ka artaiew eiei nangne ngin sa lah ban tip mano ban dei u kyrtong” ula bynrap.
U Bah Paul ula ong ba ka jingpynkhreh ia ka elekshon MDC ruh kala iaid shaid shaid. Ka State Election Committee kala dep iakynduh la bunsien.
