Shillong, Nailar 13 : U Myntri ka Tnad Social Welfare Bah Paul Lyngdoh ha ka sngi Ba-ar, ula pyntip ba ka Tnad kan sa phah hapoh 10 sngi ia ka kyrteng ba thymmai, ban thung kum ka Chairperson ba thymmai jong ka Meghalaya State Commission for Protection of Child Rights (MSCPCR).
“Hapoh 10 sngi, ngin sa pynbeit ia kane ka kam. Ngin sap hah ia ka kyrteng bad rah sha ka jingialang ka Kynhun Myntri ba kan ai ia ka jingmynjur” ong u Bah Paul haba iakren bad ki nongthoh khubor.
“Ngi la dep ithuh ia san tylli ki kyrteng. Hapoh ka 10 sngi ban wan, ngin sa lah ban shim ia ka rai ba khatduh” ula bynrap.
Halor ka rai ban phah ia ka kyrteng thymmai, u Myntri ula ong ba kane ka wan jia namar ka jingkyntait jong ka briew na Ri-lum Garo, kaba ka kyrteng jong ka, la dep ban phah ha kaban thung kum ka Chairperson ka MSCPCR.
“Ha ka jingshisha, ngi la dep ithuh ia kawei ka briew hynrei kala kyntait namar kam kwah satia ia kane ka kam” ula iathuh.
