Shillong, Rymphang 19: U executive member (EM) ka tnat Land Bah Powell Sohkhlet u ka pyntip ba ki Dorbar Shnong kim don bor ban ai wai iaki jaka jong ki shnong ne ki Raid shaka Sorkar ne ki Company khlem ka jingbit naka District Council.
Ia kane u Bah Powel u la pyntip haba jubab iaka jingkylli bala wanrah MDC ka Laban constituency u Bah Ricky Shullai.
Haba jubab iaka jingkylli u EM u la iathuh ba ki Dorbar Shnong katkum ka Khasi Hills Autonomous District Council Land Act ki donkam ban ioh iaka No Objection Certificate (NOC) naka District Council hashuwa ban ai wai iaki jaka jong ki shnong ne ki Raid shaka Sorkar ne ki Company.
U EM u la kubur ba ka Executive Committee kala ioh pdiang jingujor haba iadei bad ka jingai wai ki Dorbar Shnong iaki jaka jong ki shnong ne jong ki Raid shaka Sorkar lane shaki Company.
“Halor kane, ka District Council kala khot bad pan jingpynshai na kum kita ki Dorbar Shnong hynrei ka District Council kam lah ban pynshitom iaki namar haka Khasi Hills Autonomous District Council Land Act, kam shym la don kano kano ka kyndon ban ai bor iaka District Council ban pynshitom iaki Dorbar Shnong ba iaid lait iaka Act” ong u EM.
U EM u la pyntip baka EC kan sa eksamin iaka Khasi Hills Autonomous District Council Land Act ban wad ki lad lynti ban bsuh iaki kyndon ain khnang ban pynioh bor iaka District Council ban pynshitom iaki Dorbar Shnong kiba ai wai iaki jaka khlem ka jingbit naka Council.
 ka tnat Land Bah Powell Sohkhlet u ka pyntip ba ki Dorbar Shnong kim don bor ban ai wai iaki jaka jong ki shnong ne ki Raid shaka Sorkar ne ki Company khlem ka jingbit naka District Council.){kind=link}