Shillong, Lber 22: U Superintendent of Police (SP) jong ka East Khasi Hills u Bah Vivek Syiem, hynne ka sngi Saitjain ula kyntu ia ki kmie ki kpa kiba niah ia ki thuk thuk ba kidei ban phong da ka ‘Helmet’ iala ki khun khnang ba kin lait na ki jingmynsaw haba don ka jingjia aksiden.
Ha ka jingpynbna, u Bah Vivek Syiem ula ong, ba la sakhi ba ki kmie ki kpa kiba niah ia ki thuk thuk haba ki kit iala ki khun kim ju pynphong Helmet ia ki bad kane ka buh ha ka jingma iaki, lada jia ba don ka jingjia aksiden namar kam don kano kano ka jingkah ia ka khlieh ka jong ki.
Ula ong, na ka bynta ka jingshngain jong ki khynnah, kumta ka Shillong Traffic Police, ka kyntu ia baroh ki kmie ki kpa bad ia ki bahaiing bahasem kiba kit ia ki khynnah ha ki thuk thuk, ba kidei ban pynthikna ba ki khynnah kin phong ia ka helmet. Kino kino kiba pynkhein ia kane ka hukum kin shah dain kuna katkum ki kyndon jong ka Motor Vehicle Act.
U SP ula ong, ba ka jingiatreilang ka long kaba kongsan ban iada ia ka jingim jong ki khynnah ha ki surok bad ban iatreilang na ka bynta ka jingshngain ha Shillong.
 jong ka East Khasi Hills u Bah Vivek Syiem, hynne ka sngi Saitjain ula kyntu ia ki kmie ki kpa kiba niah ia ki thuk thuk ba kidei ban phong da ka ‘Helmet’ iala ki khun khnang ba kin lait na ki jingmynsaw haba don ka jingjia aksiden.){kind=link}