Shillong, Rymphang 23 : U Symbud Myntri Rangbah ba khmih ia ka Tnad kam Pohiing (Police) Bah Prestone Tynsong ha ka sngi Thohdieng ula ong ba ki briew kiba shong ba sah ha Maxwelton Estate kin hap pynkhreh ban mih na katei ka jaka lada ki dei kiba shu shong beain.
Haba iakren bad ki nongthoh khubor, u Bah Prestone ula ong “Nga la thikna bha ba ka Ain kan ieng rasong bad ka ain kan shim iala ka jong ka lynti bad lada ki dei shisha kita kiba sah beain, haba kut hi kin hap pynkhreh ban mih noh na kane ka jaka”.
Ka Khasi Students’ Union (KSU) kala iai dawa ia ka Sorkar Jylla ban kyndang mardor iaki nongshong beain hapoh ka Maxwelton Estate kaba heh kumba 9 acre ka jaka bad kaba hap hapoh u pud u sam jong ka Dorbar Shnong ka Kenches Trance Oxford, Rilbong.
Haba kylli, u Bah Prestone ula ong “Em ka mukotduma ha Iingkashari ka dang iaid. Kata ka dei kaba nga ong, namar kata ngi hap ban ap bad ta ka daw kaei kaba nga pyrshang iathuh ia phi ka long ba to ngin ap bad peit, ai ba ka ain kan iaid hala ka jong ka lynti”.
 Bah Prestone Tynsong ha ka sngi Thohdieng ula ong ba ki briew kiba shong ba sah ha Maxwelton Estate kin hap pynkhreh ban mih na katei ka jaka lada ki dei kiba shu shong beain.){kind=link}