Hap hiar kyrkieh ka liengsuin Delhi-Shillong ha LGBI ba mih ka jingbyrngem pynbthei bomb

Date:

Share post:

Shillong, Risaw 25 : Ka liengsuin Spicejet ba wan na Delhi sha Shillong (SEJ2448), kala hap ban leit hiar kyrkieh ha Guwahati Lokapriya Gopinath Bordoloi International Airport (LGBI) ha ka sngi Thohdieng namar ka jingshah byrngem pynbthei bomb, kaba la pynthikna pat hadien ba ka dei kaba shu thok.

Kane ka dei ka sien kaba saw ba shah byrngem pynbthei bomb ka liengsuin Spicejet ha ki por bala leit noh. Kane kala jia ruh ha ka por ba mih ki jingbyrngem pynbthei bomb ki liengsuin bala kot palat 250 sien hapoh ka Ri baroh kawei.

Ka jingjia ba dang shu mih ka dei ia ka liengsuin Spicejet kaba kit ia 75 ngut ki briew. Kane ka liengsuin kala jan poi sha Shillong haba ioh pdiang ia ka khubor ba byrngem pynbthei bomb.

Mar mar u Pilot ula pynphai ia ka liengsuin bad leit hiar sha Guwahati, ka kad liengsuin kaba don lut ia baroh ki kor ki bor haba jia kino kino ki jingjia bym lah ban tip.

Mar syn hiar hapoh ka kad, ia kane ka liengsuin la ialam sha ka jaka ba shngain jong ka Tarmac bad ki bor pahara kila pynlong ia ka jingtalasi ha baroh ki jaka ban pynthikna ia ka jingshngain jong ki nongleit nongwan.

Ki bor pyniaid ka Kad kila shimkhia mar mar ban khmih ia ka jingshngain jong ki nongleit nongwan bad ki nongpyniaid ia ka liengsuin da kaba pynhiar mardor ia ki na liengsuin.

Ka jingtohkit mynta ka dang iaid shakhmat bad ka kompani Spicejet kala pynlong iala ka jong ka jingtohkit bad ka dang pynbeit ia ki lad ki lynti ban lah pynpoi ia ki nongleit nongwan sha Shillong.

Na ka liang ki bor pahara kila tohkit jur mynta ban lapdien ia ki tyllong ha lyndet kine ki jingbyrngem pynbthei bomb ia ki liengsion.

Share post:

spot_img

Popular

More like this
Related

Palat 5.2 lak ki Longiing ha Nongkyndong kila ioh kor um iing na ka JJM

Shillong, Rymphang 28 : Palat 5.2 tylli ki Longiing...

Kut jingmut ka Sorkar ban thungkam pyndap lut ha baroh ki Tnad ba laitkam

Shillong, Rymphang 28 : Ka Sorkar Jylla kala pyntip...

La plie palat 8.5 lak ka Pradhan Mantri Jan Dhan Yojana Account ha Jylla

Shillong, Rymphang 28 : Palat 8.5 lak tylli ki...

Pyllait ka Sorkar Pdeng haduh T.27 klur sha ki ADC ban pyntrei kam pynroi

Shillong, Rymphang 28 : Ka Sorkar Pdeng kala pyllait...