Shillong, Risaw 19 : Ka Iingkashari Meghalaya High Court hynne ka sngi Balang kala ai ia ka suo-moto rule of Contempt pyrshah ia u Secretary ka Tnad kam pohiing ka Jylla namar ka jingbym khein snep ia ka hukum ka Kashari ban ai ia ka kaiphod ba kdew ia ki sienjam bala shim, kynthup ka jingteh lakam ia ki briew kiba donkti ha ka jyrsieh thied kali jong ka Tnad Pulit.
“Ai ba ka suo-moto rule of Contempt ban ai pyrshah ia u Secretary ka Tnad kam Pohiing ka Jylla namar ka jingbym khein snep ia ka hukum jong kane ka Iingkashari, namar ka jingpyrshang ban buh jingeh ia kane ka kam bad long u diengpynkieng ia ka jingpyrshang ban wad ia ka jingshisha halor ka jingpyndonkam bakla ia ka pisa u paidbah. Ia kane ka rule dei ban wanrah sha ka jingbishar ha ka 2 tarik Naiwieng 2022” ong ka Iingkashari Division Bench ba kynthup ia u Chief Justice Sanjib Banerjee bad Justice W Diengdoh ha ka hukum hadien ba shong bishar ia ka PIL bala mudui da u Bah Riewad Vicharwant Warjri bad kiwei kiwei.
Ka Iingkashari kala ong ba ka Tnad kam Pohiing IIng ka dei ban pynthikna ba kane ka Rule kan pyntreikam mardor bad ban ai sha u nongpynkhein hukum.
Ha ka hukum ba pynmih ha ka 30 tarii Nailur, ka Iingkasharo kala pan na ka Sorkar Jylla ban aito ia ka kaiphod ha ka 17 tarik Risaw, lyngba u Secretary ka Tnad kam Pohiing, ba pynpaw ia ki sienjam bala shim kynthup ka jingteh lakam ia ka jingpyrshang jong kito ki briew kiba donkti ha kane ka jyrsieh ban weng lane buhrieh ia ki jingdon jingem ne ka pisa. Haduh mynta u Secretary u khlem pat file satia ia ka affidavit halor kane ka kam.
Ka Iingkashari kala hukum ruh ba ka kaiphod ba bniah halor ka jingkot ka jingduhnong, u pud ka jingpyndonkam bakla ia ka bor, ka rukom pyndonkam bakla ia ki kali bad ka jingtynrong ia ka jingbah khlieh ha ki briew ba donkti, ka dei ban poi sha ka Iingkashari ha ja 2 tarik u Naiwieng.
“La kyrmen ba ka Jyla kan shimkhia ia kane ka kam kumba ka dei ban long” kala ong.
