Guwahati, K’lyngkot14: Uwei u nongtrei ka TMC ula thab ia uwei u riew paidbah uba dei u trai shnong hakhmat u Myntri ka West Bengal uba khmih ia ka tnat Food and supplies u Rathin Ghosh ha ki bynta ka Nandadulal temple ha Barsat, North 24 Paragana district ka West Bengal mynta ka sngi Saitjain.
U Rathin Ghosh uba dei ruh u MLA ka TMC u la leit sha ki bynta jong ka Nandadulal ba na ka bynta ban plie ia ka prokram sorkar.Uwei u trai shnong ula leit tur sha u Ghosh ha kaba iadei bad ka jingujor hadien ba uwei u nongtrei ka TMC ula thab ia u khlem kano kano ka daw.
Kham hadien ki katto katne ki nongtrei ka TMC kila paring ia une u briew ia kaba la sakhi ruh lyngba ki social media kiba la saphriang.Ha ka por ba ka jingialang ka dang iaid shakhmat, uwei u briew uba dei u nongialam hapoh ka thain ula leit ban ujor ha kaba iadei bad ka lynti surok.
“Kynsan kynsan uwei u nongtrei ka TMC ula leit ban paring bad thab ia u khlem kano kano ka daw hakhmat jong u myntri Rathin Ghosh,” ong ki sakhi.
Haba kren sha ki lad pathai khubor, une u lanot u la ong; “Nga la leit tur sha ka jaka ba don u Rathin Ghosh halor ka jingujor hynrei khlem da pynsngap uwei u nongtrei ka TMC ula thap ia nga.Lada kum kine ki jingjia ki wan jia shano ngin leit. Ngam tip balei nga shah thab, kaei ka jingbakla kaba nga la leh.”
