Shillong, Rymphang 28: Ka Dorbar Mang Tyngka jong ka Khasi Hills Autonomous District Council (KHADC) kan sdang lashai ka 1 tarik u Lber 2023.
Kane ka Dorbar Mang Tyngka kaba Lai sngi kan sdang haka 1 tarik bad kan kut ha ka 3 tarik u Lber.
Watla ka tnad Legislative hapoh ka jingialam u Chairman ka KHADC u Bah Lamphrang Blah kila buh ban pynlong iaka Dorbar 3 sngi hynrei namar ba ka don ka jingniew vote jong ka MLA Election 2023 ha ka 2 tarik u Lber bad ki don haduh 19 ngut ki MDC jong ka Council kiba iakhun ia katei ka elekshon, kumta lah ban pynkynriah noh ia ka jingpynlong Dorbar.
Kumta ka Dorbar kaban long haka 1 Tarik, naka liang ki MDC kin sa shim ia ka rai ban pynsangeh noh shwa iaka Dorbar ha ka 2 bad 3 tarik u Lber bad yn sa pynlong noh hadien ba la dep niew iaka vote jong ka MLA Election 2023.
