Gangtok, Lber 10: Ka kynhun jong ki nongthoh khubor na Meghalaya, kaba don mynta ha ka jingleit jngoh ne ka media exposure tour sha Sikkim ba la pynlong da ka Press Information Bureau (PIB) Shillong, mynta ka sngi ka 10 tarik Lber, 2026 ka la leit ban jngoh ia ka Nathu La Pass kaba don ha ka thain khappud Indo-China kaba dei ruh ka jaka jngohkai kaba khring bha na ka jingdon ki lum thah. Ka jingleit jngoh kala plié lad ïa ki nongthoh khubor ban sakhi hi dalade ïa ka jingaiti, ka jingshlur bad ka jinglenlade ki shipai jong India kiba ïada ïa ki pud ki sam jong ka ri hapoh ki jinglong jingman kiba jynjar bha.
Ka kynhun ka la leit sha ka jaka ba kynjang bha kaba don ha ka jingjrong kaba palat 14,000 phut ha ki thain mihngi jong ki lum Himalaya.
Hapdeng ki lyer ba pjah, ka lyer kaba duna bad ki jinglong ka suinbneng kiba jynjar bha, ki nongthoh khubor kiba la leit jngoh kila mad ïa ka jinglong ka suiñbneng kaba shyrkhei bad ka jinglong jingman jong ka jaka ba kynjang ha kaba ki shipai jong ka Indian Army ki don baroh arphew saw kynta ban pahara ïa ki pud jong ka ri. Ka jaka kaba jynjar bad ka jingduna ka Oxygen ka pynlong wat ïa ki kam ba man ka sngi ban long kiba jynjar, hynrei ki shipai ki dang ïai bteng ban peitngor ban pynthikna ïa ka jingshngaiñ ki nongshong shnong ka ri India.
Ha kane ka jingleit, ki nongthoh khubor kila ïakren bad ki shipai India bad la ïoh jingtip shaphang ka jinglong jingman jong ka jingtreikam bad ka jingdonkam ba kongsan jong kane kane ka jaka kaba don marjan bad ka ri China.
La ai jingtip ruh ïa ki nongthoh khubor shaphang ka jingkongsan jong ka Nathu La Pass ha ka histori, kaba da ki spah snem kala long ka bynta ba kongsan jong ka Silk Route ba hyndai kaba pynïasoh ïa ka India bad ka Tibet. Kane ka lynti kala pynsuk ia ka khaii pateng bad ka jingiasam ia ka kolshor hapdeng ka ri India bad ka Central Asia, ha kaba kila khaii pateng bad kit ia ki mar kum u saiwul, jain ryndia bad ki musli musla lyngba ka lynti ha ki lum kiba don hajrong bah.
Ha kine ki snem ba la dep, kane ka Pass ka la pawnam kum ka lynti na ka bynta ki nongleit pilkrim jong ka India kiba leit sha ka Kailash Mansarovar Yatra sha u lum Kailash ba kyntang bad ka Lake Manasarovar ha Tibet. Ka lynti Nathu La kala ai ia ki nongleit pilkrim ia ka lynti kaba kham suk, kaba la kyntiew shuh shuh ia ka jingdonkam jong ka kolshor bad ka pass.
Ki heh shipai kila batai ruh shaphang ki jingjia ba kongsan ba iadei bad ka pass hadien ka jinglaitluid jong ka India.
La ai jingtip ia ki nongthoh khubor shaphang ka jingwan jngoh jong ka Myntri Rangbahduh barim ka Indira Gandhi ia kane ka lynti kaba kongsan bha, da kaba ban jur ïa ka jingthmu jong ka Sorkar India ban pynkhlain ïa ki jingdon jingem ha ka thain khappud bad ka jingïada ïa ka ri ha kane ka thaiñ.
Ki nongthoh khubor ki la sakhi ruh ia ka jingbun ki nongjngohkai pyrthei kiba leit jngoh ïa ka Nathu La Pass, kaba la khring da ki jaka kiba itynnad jong ka, ka pateng jong ka histori bad ka jingdonkam ba kongsan jong ka.Wat hapdeng ka jaka kaba jynjar bad ka jingkynjang, ka pass ka ïai bteng ban khring ïa ki nongwan jngohkai na kylleng ka ri kiba leit ban sakhi ïa kawei na ki jaka khappud ba pawnam tam jong ka India.
Ki nongthoh khubor ha ka jingleit sha Natula Pass kila ioh ruh ban jngoh ia ka Tsomgo Lake ne Changu Lake kaba dei ka jaka kaba khring bha ia ki nongjngohkai namar kane ka pung um kadei kaba la ker sawdong da ki lum kiba sopthah lut.
 Shillong, mynta ka sngi ka 10 tarik Lber, 2026 ka la leit ban jngoh ia ka Nathu La Pass kaba don ha ka thain khappud Indo-China kaba dei ruh ka jaka jngohkai kaba khring bha na ka jingdon ki lum thah. Ka jingleit jngoh kala plié lad ïa ki nongthoh khubor ban sakhi hi dalade ïa ka jingaiti, ka jingshlur bad ka jinglenlade ki shipai jong India kiba ïada ïa ki pud ki sam jong ka ri hapoh ki jinglong jingman kiba jynjar bha.){kind=link}