Guwahati, Iaiong17: U Myntri Rangbah (CM) ka Assam u Himanta Biswa Sarma u la ong ba ka jylla ka la sakhi halor ka jingdon jong ki nongwan shangkai pyrthei kaba heh tam, kata da haduh 575 percent ha u snem 2022-23.
Hadien ka jingplie ia ka jaka shong pyngngad ne resort ha Sonapur, u CM ka Assam u la pynpaw lyngba ka twitter da kaba ong; “Haduh kumba 1 klur ki nongwan shangkai pyrthei ki la wan jurip ia ka Assam ha u snem 2022 -23, kata kaba la thaw ruh ia ka rekod kaba long haduh 575%!”
“Ban kyntiew ia ki kam jngohkai pyrthei, Ngam sngewkmen shibun ban ioh ia ka lad ban plie ia kane ka jaka shongkai pyngngad kaba itynnad kaba don 200 tylli ki kamram ia kaba la shna da ka Mayfair Group hajan ka sorbah Guwahati.Nga ai ka jingkyrmen kaba bha tam na ka bynta ki nong pyniaid,” ong u Sarma lyngba ka twitter.
Na ka liang u MD ka Assam Tourism Development Corporation, u Padmapani Bora u la pyntip ba ki la don haduh kumba 17.5 lak ngut ki nongwan shangkai pyrthei tang na ki bynta jong ka ri ha u snem 2021-22.
Nalor kata u Bora u la ong ruh ba napdeng ki11.8 million ngut ki nongwan shangkai pyrthei kiba la wan jurip ia kane ka thain shatei lammihngi (Northeast), ka jingnoh synniang jong ka Assam ka long haduh 10 million.
