Guwahati, Risaw 29 :Ka Assam Power Development Corporation Ltd. (APDCL) kala ong ba kila don haduh sawphew ngut ki briew kiba la khlad noh ha baroh kawei ka jylla na ki jingjia shah bat ha ka bording ilektrik.
Kala ong ruh ba kiba bun na kine ki jingiap shah bat bording ka dei lyngba ka jingshort curcuit, ka jingbym pynieng bha ia ki nar post ilektrik bad ka jinghap jong ki waiar ha ka por ki jingjia jong ka jingshlei um bad khie ‘eriong.
Na ka liang ka National Crime Records Bureau (NCRB) kala ioh lum jingkhein ba kila don haduh 91 tylli ki jingjia shah bat bording ha baroh kawei ka jylla, ha kaba 89 ngut na ki, kila khlad noh.
Ka tnat bording ka jylla kala ngat ha ki jingshah kynthoh ba jur na ka por sha ka por ha kaba iadei bad ka jingshim sting.Ka jingbym don ia ki lad jingiada kiba biang bad ki jingtreikam torti ruh ki dei kiba kane ka tnat kala shah kynthoh.Namar kane ka daw, ym tang ki riew paidbah hynrei wat ki nongtrei jong kane ka tnat ruh kila hap ban mad i kiba kum kine ki jingjia na ka por sha ka por.
Watla katta, ka kaiphot kala kdew ba ka jingbym don ia ka jingtbit ha kaba iadei bad ka rukom treikam da ki nongtrei kiba pyntrei shabar jong kane ka tnat ka dei ka dawbah kaba la wanrah ia kiba kum kine ki jingjia ba sngewsih.Nalor kata la ong ruh ba haba jia kiba kum kine ki jingiap shah bat bording na ka liang ka tnat ka ju siew ka bai lutksan kaba T. 4lak sha ki khun ki kti jong ki lanot.
Uwei u khynnah ula khlad noh na ka jingshah bat ha ka bording hapoh ka thain Demow jong ka Assam ha kane ka taiew ba la lah.Une u khynnah ula mynsaw jur hadien ba ula iatyngkhuh bad u waiar ba don ding.Dang ha kine ki khyndiat snem ba la dep, u Robin Das uba dei u nongtrei jong kane ka tnat ula khlad noh ha ka por ba u dang don hapdeng ka kam ha ka jylla.Ka jingleh thurmur da kino kino kiba don hapdeng jong ka kam ka ju wanrah ia kiba kum kine ki jingjia ba sngewsih bad kiba ju saphriang ruh lyngba ki social media.
Na ka liang ka sorkar Assam kala thung ia ka tnat tohkit halor kane ka bynta ha ka snem 2017 hapoh ka jingkhmih jong u Justice (Retd.) HN Sarma.Hynrei, kane ka sienjam kam pat shym la pyni ia kino kino ki jingjop kat haduh mynta.
