Shillong, Risaw 21: Ka Central Puja Committee (CPC) kala pyntip ba mynta u snem kin don haduh 250 tylli ki Puja Mandal Committee ha ka jylla Meghalaya bad tang ha nongbah Shillong ki don 64 tylli bad kin don ruh 8 tylli ki Puja Mandal Committee jong ki riewshimet na ka bynta ka jingrakhe iaka lehniam Durga Puja jong ki riewngeit Hindu ha ka jylla.
U Secretary ka CPC u JL Das ula pyntip ba tang ha rilum Khasi ki don 123 tylli, 11 tylli ha rilum Jaintia bad 116 tylli ha rilum Garo bad baroh kin don 250 tylli bad na kitei 64 tylli ki don ha Shillong bad kin don ruh 8 tylli ki Puja Mandal Committee kiba la buh da ki riewshimet.
Ula pyntip ba shwa ban pynkhreh ia ka jingrakhe iaka Durga Puja, ka CPC kala pynlong iaka Get Together of Harmony haka 18 tarik u Risaw ha Puja Pandal kaba don ha Meghalaya Hindu Mission Mission, Sarbajanin Durga Puja Committee, Mawprem, Shillong ha kaba ki dkhot jong ki Puja Committee ha ka nongbah Shillong kila wan ban iashimbynta ryngkat ka jingdonlang ki nongialam niam,ki nongialam sengbhalang,ki myntri sorkar kiba mynta bad kiba rim bad kiwei kiwei.
Ka CPC kala pyntip ruh ba kala pynkhuid iaka jaka bret Blei ha Wah Umkhrah, Polo, Shillong ha ka 15 tarik u Risaw bad kan pynlong biang haka 25 tarik u Risaw hadien bala dep ban pynlong iaka jingbret Blei haka jingrakhe iaka lehniam Durga Puja khnang bay n ioh lum shi jaka iaki Bleithaw bad ban pynlong iakatei ka jaka kaba khuid ba suba biang.
Ka CPC kala pyntip ba kan pynlong ruh iaka Drum-beat Competitions haka 22 tarik u Risaw ha ka por 10.30 mynstep ha Puja Pandal jongka Rilbong Durga Puja Committee, Rilbong, Shillong.
Nalor kane kan air uh iaka Sard Sanman Award 2023 sha ki 8 ngut ki riewpawkhmat jong ka nongbahShillong ha ka jingialang kaban sa pynlong ahdien ba la dep ban rakhe ia ka Chatt Puja Festival 2023.
Na ka bynta ban pynthikna ba ka jinglehniam Durga Puja kan long kaba iaid beit ki nongialam ka CPC kila ia shong jingialang la bunsien bad ki bor pyniaid district, ki heh pulit bad la bthah ruh ban buhia ki CCTV ha ki jaka lehniam. Ban pynthikna ba katei ka jinglehniam kan long kaba lait na kino kino ki jinghuri hura, ki bor pyniaid district kin pynjur ia ka jingpahara ha kylleng ki jaka bad kan don ruh ka jingiaid ‘Patrol’ ha ka nongbah Shillong.
 kala pyntip ba mynta u snem kin don haduh 250 tylli ki Puja Mandal Committee ha ka jylla Meghalaya bad tang ha nongbah Shillong ki don 64 tylli bad kin don ruh 8 tylli ki Puja Mandal Committee jong ki riewshimet na ka bynta ka jingrakhe iaka lehniam Durga Puja jong ki riewngeit Hindu ha ka jylla.){kind=link}