Shillong, Nailur 15 : U Chief Electoral Officer ka Jylla Dr BDR Tiwari ha ka sngi Ba-ar ula ong ba ka Election Commission of India ban sa rai ia ka tarik ban pynlong ia ka elekshon shiteng samoi ka Shillong Lok Sabha hadien ba dep pynkhreh ia ka Electoral Roll.
Haba kylli ia ka por ba lah ban pynlong ia ka elekshon, u Tiwari ula ong “Kan sa long ynda la shim rai ka ECI”.
U ong ba ka Commission kan sa shim ia ka rai hadien bala pyndep ia ka Special Intensive Revision (SIR) 2026.
“Kat kum ka jingaiktien ka ECI, kan elekshon sa long hadien bala dep pynkhreh ia ka electoral roll bad kan sa pynbna ruh ia ka tarik. Kumta ia mynta, ngam pat lah ban ong eiei halor kane” bynrap u Tiwari.
