Hadien ka Independence Day, yn sdang iakren pynbeit pud biang ki CM ka Megh-Assam

Date:

Share post:

Shillong, Nailar 09: U Myntri Rangbah ka Jylla Conrad Kongkal Sangma hynne ka sngi ba-ar ula pyntip ba ka jingiakren pynbeit pud jong ka wat ka ba-ar (2nd Phase) hapdeng ka Assam bad Meghalaya kan sa sdang noh hadien ka jingrakhe ia ka Independence Day ne sngi rakhe laitluid ka Ri.

U Myntri Rangbah ula pyntip ia kane hadien ka jingialang bad ka kynhun jong ka Synjuk ki Rangbah Shnong of Border Area (Block-II kaba hap hapoh ka Raid Nongtung) hynne ka sngi.

Haba pyntip ba kane ka jingialang kan sa long ha Delhi, u Myntri Rangbah ula ong ba kane ka kynhun ki Rangbah Shnong kila pynpaw ia ka jingangnud ban neh bad ka Jylla Meghalaya.

“Ka dorkhas ba kila aiti sha u Myntri Rangbah ka Jylla ka ong ba 18 tylli ki Shnong ki kwah ban neh beit bad ka Jylla Meghalaya” ula ong.

U Conrad ula ong ba ki paidbah na Block-II kila pynpaw ia ka jingsngewkhia ba kumno ha kine ki 50 snem bala leit noh, kila mad ia shibun ki jingeh bad ki jingtynjuh namar ka jingiakajia pud hapoh ka thain.

“Ka Sorkar ka la kut jingmut shisha ban pynbeit noh ia ka jingiakajia pud bad dei namar kata, ngi la jam shakhmat ban pynbeit ia ki hynriew tylli ki jaka hadien ka jingiasyllok bad ki paidbah, kaba lam ruh sha ka jingiasoi soskular. Ngi ngeit skhem ba ngin lah ban pynbeit noh sa ia ki hynriew tylli ki jaka ba dang sah” ong u Conrad.

“Kane ka kam ka dei kaei kaei ka bym lah satia ban jia tang ha ka shimiet, ka dei kaba shimpor, ngi hap ban jam shakhmat bad ngi hap ban ailad ia ka jingiakren bad kan bteng” ula bynrap.

U Myntri Rangbah ula ong ruh ba ka kam hi ka dei kaba donkam ban hap iakren sani bha bad donkam ban iasyllok ruh bad ki briew ne kynhun bapher bapher kiba iatakhuh kam.

Ula pyntip ruh ba ia mynta hi ym pat shym la rai ia ka sngi jong kane ka jingiakynduh ba nyngkong na ka bynta ka jingiakren pynpeit pud jong ka wat ka ba-ar hynrei ka jingialang kan long ha Guwahati.

“Ngin sa thaw ia ki Regional Committee bad ngin sa pyntyllun shakhmat ia ka wat ka ba-ar jong ka jingiakren pynbeit pud ha ki hynriew tylli ki jaka ba dang sah” ong u Conrad.

Kat kum ka jingong jong u, ka wat ka ba-ar kan dei kaba kham jwat namar ka jingiadon bynta lang jong ka Karbi Anglong District Council “…ta ka daw ngi hap ban pyniadon bynta lang ia baroh ki kynhun ha ka jingiakren” ula ong.

“Kumba long ha ka wat ba nyngkong, ka wat ba-ar ruh yn iadonlang ki kynhun bapher bapher, ki Khlieh Nongsynshar, ki District Council bad khamtam eh ki riew paidbah” ula bynrap.

Share post:

spot_img

Popular

More like this
Related

Pope Francis Appoints Rev. Bernard Laloo as Auxiliary Bishop of Shillong

Shillong, Feb 8 : Pope Francis has appointed Rev....

Thung u Pope Francis ia u Rev. Bernard Laloo kum u Auxiliary Bishop ka Shillong

Shillong, Rymphang 08 : U Pope Francis ula thung...

Kem ki Pulit ia ka kynhun ki Nongtuh thuk thuk | kurup bun ki thuk thuk

Shillong, Rymphang 08 : Ki Pulit ka North Garo...

Ther u DyCM | Kut ka ialap elekshon ka VPP da ka jingbein briew bad ieid Jaidbynriew tang ka jynhaw

Ka VPP ka kam ba ieid “Jaidbynriew”, katba ka...