Chennai, Nohprah 04 : Ha kine ki khyndiat sngi, ka Chennai kala ioh u slap uba jur bha bad uba dang iai bteng naka jing lynshop ka Cyclone Michaung kaba la ktah ia ka jingim ki nongshongshnong ka thain Southern Coast haduh ba bun ki Longiing kila hap ban phet sha ki jaka ba shngain namar ka jingshlei um.
Ka Regional Meteorological Centre ha Chennai ka pyntip ba u slap ba jur un nang jur shuh shuh ha ki katto katne ki jaka jong ka Tamil Nadu kynthup ha Chengalpet, Kanchipuram bad Thiruvallur.
Hapdeng kine kiei kiei, uwei u nongpyndonkam ia ka X, ula pynsaphriang paidbah ia ka video ba ioh ring ia ka crocodile kaba don ha surok jong ka Sor hynnin ka miet.
Kat kum ka khubor, kane ka mrad kala poi ha ki thain Perungalathur jong ka sor bad hadien kala jah noh sha ki sanium.
Hadien ba saphriang paidbah kane ka video, u Additional Chief Secretary ka Tamil Nadu ba khmih ia ka Environment Climate Change & Forest Supriya Sahu, ula kyntu ia ki paidbah ba kin ym tur shajan ki crocodile haba iohi ia ki haba ong ba kine ki mrad ki dei kiba shynrain bad ki bym kwah iakynduh briew.
Many are tweeting about this video.There are a few mugger crocodiles in several of the water bodies in Chennai. These are shy elusive animals and avoid human contact. This one has come out as the water has overflown due to massive rains under the impact of #CycloneMichuang please… https://t.co/qY8aTEdfaw
— Supriya Sahu IAS (@supriyasahuias) December 4, 2023
Kumjuh ruh ka Greater Chennai Corporation (GCC) kala kyntu ia ki paidbah ba kin shong khop hala iing lait noh satang haba donkam palat namar bun ki surok kila ngam shapoh um.
