Nongpoh, K’lyngkot 22 : Ka Meghalaya Energy Corporation Limited (MEECL) ha ka sngi Palei, kala ioh ban pyndep ia ka jingthung post elektrik ha ka shnong Maikhuli-kaba la shah pynthut ha ki nong Assam, daka jingtuklar jong u Myntri Rangbah ka Jylla Conrad K Sangma bad u MLA bad Myntri Sorkar Bah Sosthenes Sohtun.
Ka MeECL kala pyndep ban thung haduh 17 tylli ki post elektrik ha kylleng ki jaka jong ka Shnong Maikhuli, kaba lah shah pynthut baroh shikatta ha ki nong Assam, kiba ju wan ban khanglad bad pynmih jingkulmar.
Dang ha ka 20 tarik Kyllalyngkot, ka jingkulmar kaba jur kala mih ha kane ka shnong khappud na ka jingwan tur ki nong Assam ban khanglad ia ka MeECL ba kan thung post elektrik. Ka jingkulmar kala poi sha ka jingiakhru bad iajrong kti haduh ba u Rangbah Shnong ka Maikhuli ula mynsaw.
Da ka jingtuklar u Myntri Rangbah ka Jylla bad u MLA ka Jirang, ki bor Sorkar ka Assam kila pynthikna ba kan ym don shuh ka jingpynthut ia ka MeECL ba kan pyndep ia kane ka kam.
U Rangbah Shnong ka Maikhuli, Nicholas Marak ula pynpaw ia ka jingkmen ba ka MeECL kala lah ban pyndep ia ka jingthung post elektrik ha ka shnong bad ong ba kane kan long shisha ka jingmyntoi kaba khraw ia ki nongshongshnong ba kin ioh ia ka bording elektrik ka bym don jingthut.
Ula pynpaw ruh ia ka jingsngewnguh ia u Myntri Rangbah ka Jylla bad ia u MLA kiba la shimkhia ia kane ka jingeh kaba la mad da ki nongshongshnong la bun bun snem.
 ha ka sngi Palei, kala ioh ban pyndep ia ka jingthung post elektrik ha ka shnong Maikhuli-kaba la shah pynthut ha ki nong Assam, daka jingtuklar jong u Myntri Rangbah ka Jylla Conrad K Sangma bad u MLA bad Myntri Sorkar Bah Sosthenes Sohtun.){kind=link}