Shillong, Naitung 27 : U briew uba jah rngai la artaiew mynshuwa, la lap ba ula iap ha Mylliem ha ka sngi Nyngkong, pynthikna ki Pulit.
U Superintendent of Police ka East Khasi Hills bah Vivek Syiem u iathuh ba ia kane ka met ba la ithuh kum u M Kurkalang, la lap na 12 Mer da ka jingiarap lang ka SRT.
“Ngi la register ia ka UD case. Ula mih ban leit trei hynrei u khlem wan phai iing shuh” ong u Bah Vivek haba pyntip ba ki bahaiing kim shym la suba satia ba don kano kano ka jingleh sniew halor ka jingiap jong u.
“Ki bahaiing kim shym la suba iano iano ruh bad kila kyrpad ban pynlait noh ia ka jingleit post mortem” ula bynrap.
