Hukum set phatok 12 snem ia u Nongleh beijot
Nongstoin, Risaw 13 : Ka Iingkashari Special Judge (POCSO) ka West Khasi Hills kala hukum ban set phatok haduh 12 snem ia u runar uba leh beijot ia iwei i Heprit 13 snem, kaba la pynioh ruh ia ka jingbishar ba hok ia ine I heprit hadien 5 snem.
Ka Iingkashari kala pynmih ia kane ka hukum ha ka 12 tarik Risaw, 2022 bad la pynngat ia une u runar hapoh ka kyndon 6 jong ka POCSO Act, 2012 bad ka IPC.
Kat kum ka jingpyntip u Superintendent of Police, une u runar u dei uba tip kyrteng u Emanuel Marwein uba la shah kem ha ki Pulit ka Nongstoin naduh u bnai Jymmang 2017.
Une u Heh Pulit u pyntip ba une u runar ula leh beijot ia ine I heprit ha u Jymmang 2017 bad ki Pulit ka Nongstoin Police Station kila register case pyrshah ia u ha ka kyndon 5(n)6 POCSO pule lang bad ka kyndon 506 IPC.
Ka Iingkashari POCSO haba shong bishar ia kane ka kam, hynnin ka sngi Balang kala pynmih ia ka hukum ban set phatok ia une u runar haduh 10 snem kat kum ka kyndon 6 jong ka POCSO Act nalor ka kun aba T.25000 bad sa 2 snem kat kum ka kyndon 506 Part II IPC.
