Nongstoin, Nailur 23 : Ki Pulit ka West Khasi Hills, ha ka sngi Ba-ar, kala lap ia ka metiap jong ka Khynnah 14 snem, kaba la jah rngai naduh ka 20 tarik Nailur na Mawlangkhar, kaba dei kawei na ki kyntoit ka Kseh Kohlong, Nongstoin.
Kane ka khynnah ka kyrteng ka Heprit Iwanpynkmen Nongsiej bad ia ka met jong I la lap ha ka por 12 baje mynsngi da ki katto katne ki briew kiba leit kheit tit ha kawei ka jaka khlaw kaba pajih na ka iingsah jong kane ka khynnah.
Kat kum ka jingiathuh u Sordar ka Kseh Kohlong Bah Ioanis Lyngdoh, ia ka met jong kane ka khynnah la lap ba sdien ha uwei u diengkseh.
Ia ka met jong kane ka khynnah la rah noh sha Civil Hospital, Nongstoin ban pyndep ia ka post mortem. Ki Pulit kila register case halor kane ka jingjia bad ka jingtohkit mynta kala iaid shakhmat.
