Nongstoiñ, Nohprah 6: Uwei na u rangbah ba la tip kyrteng u bah Saiñding Marngar, khun khatduh jong u (L) Bah Lorshon Marbañiang, na ka shnong Mawkhiat kaba don ha thaiñ Rambrai West Khasi Hills District, u la jah rngai mynta la palat 18 snem bad ym shym la wan phai shuh shala iing.
U bah Kaspar Marngar u ba dei u hynmen trai jong u Saiñding Marngar, u la iathuh ba utei u para khatduh u la jah naduh u snem 2008 hynrei ki kur bad kiba ha їing hasem, kim shym la leit ban pyntip sha ki pulit namar ki dang їaleh ban wad jingtip shaei u don.
U iathuh ba hadien katto katne snem ba u la jah, ki don ki para shnong kiba їathuh ba ki їohi їa u Sainding ha thain Shella bad ki la pyrshang ban leit sha Shella ban wad jingtip na ki shnong bapher bapher ha katei ka thaiñ hynrei im lap satia.
U la ong ruh ba wat la kim lap ruh haduh mynta ki dang ap khmih lynti їa une u para ba lano un wan phai biang sha la ki kur ki jait bad kiba ha їing ha sem, namar ba dang ha kine ki snem ba la dep, ki dang telephone їa u bad ki dang їoh ban їakren, hynrei mynta la kumba ar ne lai snem ei ei kim shym la ioh iakren shuh.
Ha kajuh ka por utei u hynmen u la ong ba ha kine ki sngi kin sa leit ban buh noh da ka ejahar sha ki pulit ba kin їarap lem ban wad jingtip la u dang im ne em. Utei u rangbah u la ong ruh ba lada don kino kino kiba tip haei u don ne kiba їohi їa u kin sngewbha ban pyntip da kaba telephone sha une u number 9366160956.
 Bah Lorshon Marbañiang, na ka shnong Mawkhiat kaba don ha thaiñ Rambrai West Khasi Hills District, u la jah rngai mynta la palat 18 snem bad ym shym la wan phai shuh shala iing.){kind=link}