Khliehriat, Rymphang 02 : U ma Nehlang Lyngdoh uba la long MLA la ar samoi na ka Congress bad uba la pyniasoh sha ka National People’s Party (NPP), ula mih pyrthei ha ka lympung sain pyrthei hadien 10 snem ban iakhun ia ka elekshon MLA-2023 na Khliehriat Constituency.
U ma Nehlang ula thep kyrteng hynne ka sngi palei kum u kyrtong ka NPP na Khliehirat bad ban iakhun pyrshah ia u MLA ka UDP ma Kyrmen Shylla.
U ma Nehlang uba la mihkhmat ia ka Rymbai (mynta Khliehriat) constituency la arsamoi na ka Congress, ula pyniasoh ialade sha ka NPP ha u bnai Lber 2022.
Ia une u MLA barim la synran da ki bahaiing, ki paralok bad ki nongialam ka NPP lem bad u Chairman ka JHADC Sanker Shangpung ha kane ka sngi ban leit thep kyrteng.
Hadien ka jingjop ia ka elekshon MLA ba arsien, u ma Nehlang ula rai ban ym iakhun shuh ia ka elekshon hynrei kynsan kynsan ula rai ban rung biang sha ka jylli sain pyrthei mynta ha kynti na ka NPP.
Ula jop ia ka elekshon MLA 2003 bad MLA 2008 na Rymbai Constituency hynrei wat hapdeng ka jinglong MLA, ula rai ban nym iakhun shuh ia ka elekshon 2013.
