Shillong, Rymphang 02 : Lai ngut ki kyrtong ka KAM ba kynthup ia ka kong Angela Rangad, Wanpynhun Kharsyntiew bad Kyrsoibor Pyrtuh kila thep kyrteng hynne ka sngi palei, hakhmat u Returning Officer, hapoh ka Ophis u Deputy Commissioner ka East Khasi Hills.
Ka Kong Angela Rangad kala thep kyrteng ban iakhun na South Shillong, Wanpynhun Kharsyntiew na East Shillong bad Kyrsoibor Pyrtuh na North Shillong.
Ia kine ki kyrtong la synran da ki nongkyrshan kiba la iaid da ka rally naduh ka iingsah jong ki haduh da poi ha Ophis u Deputy Commissoner.
Nalor kine, u kyrtong ka UDP Khun u MLA barim ka Mawryngkneng Dr Osaphi S Jyrwa, ula thep kyrteng ban iakhun ia kane ka elekshon na Mawryngkneng.
Ia u Dr Jywa la synran da ki nongkyrshan na Mawryngkneng haduh ha Ophis u Deputy Commissioner ka East Khasi Hills.
U Dr Jyrwa un iakhun pyrshah ia u MLA ka NPP Bah Pyniaid Sing Syiem.
