Shillong, K’lyngkot 24 : U Myntri ka Tnad Arts & Culture Bah Paul Lyngdoh u pyntip ba ka Sorkar kan sa plie paidbah noh ia u mot ba shirynieng jong u Khla Wait ka Jaidbynriew Khasi-U ha Dhaka, Bangladesh.
U Myntri u pyntip ba ia une u mot yn sa plie paidbah ha ka 16 tarik Rumphang da u Symbud Myntri Rangbah ba khmih ia ka kam pynroi sor Bah Sniawbhalang Dhar, u ban ialam ia ka kynhun ki Heh Sorkar na Jylla.
“Ngan leit synran ia u namar kane ka prokram ka dei kaba hap hapoh ka jingkhmih ka Tnad Arts & Culture bad ngin sa ai lut ia ki jingtip ba bniah katba ngi dang jam shajan jong ka 16 tarik Rymphang” ula ong.
U pyntip ba la ai jingbatai ruh hapoh ka jingialang jong ka Kynhun Myntri ba ka Sorkar kala iakren na ka por sha ka por ia kane ka kam bad ka India High Commission ha Bangladesh.
Ia une u mot ba shi rynieng jong u Tirot Sing Syiem la pynwandur da u nongshna mot dur ba pawnam ka Jylla Bah Raphael Warjri ia kaba la mynjur da ka Tnad Arts & Culture.
