spot_img

Ha u Lber yn ioh sakhi ka Shillong ia ka International Football Match ha JN Stadium

Date:

Share post:

Shillong, Kyllalyngkot 10: Ka Jawaharlal Nehru Stadium Shillong kan khmih lynti ban pynlong ha ka sien kaba nyngkong eh ia ka jingialehkai Football ne ka International Football Match mynta u bnai Lber.

Katkum ki khubor ba la iohlum, la iathuh ba ka jingialehkai football kan long hapdeng ka ri Bangladesh bad ka ri India ha ka 25 tarik u Lber. Kane ka jingiakhun kan long ruh kum ka jingsdang ia ka jingialehkai kaba nyngkong jongka AFC Asian Cup 2027 Qualifier.

Watla kam shym la don kano kano ka jingpynthikna kaba paka na ka liang jongka All India Football Federation (AIFF), hynrei ki tyllong khubor kila iathuh ba ka AIFF ka thrang bha ban pynlong ia ka jingialehkai football ha Shillong.

Ka JN Stadium kaba don ia ki jaka shong na ka bynta ki 17,000 ngut, la shim ba ka long ka jaka kaba biang bha ia ka kynhun ialehkai ka India ban ban sdang ia ka jingiakhun ia ka Asian Cup 2027 Qualifiers.

Hynrei kaei kaba la thikna bha, ka long ba ia ki jingialehkai jongka Indian Super League (ISL) yn pynlong ha katei ka stadium. Ka Northeast United FC kum ka kynhun na ka jylla kan iakhun pyrshah ia ka Mumbai FC ha ka 7 tarik u Rymphang bad ha ka 21 tarik u Rymphang kan iakhun pyrshah ia ka Bengaluru FC bad haka 8 tarik u Lber kan iakhun pyrshah ia ka East Bengal.

Share post:

spot_img
spot_img

Popular

More like this
Related

Mih ka Samla ha UP hadien ba jah rngai na Nongmensong

Shillong, Naitung 04 : Ka samla Janice Angel Mary...

Ithuh ka Sorkar ia ki Parking Zone | Yn lum bai pynieng kali ha surok naduh 1 tarik Nailar

Shillong, Naitung 04 : Ka Sorkar Jylla kala ithuh...

Shillong to enforce paid on-street parking from August 1; Govt notifies zones, rates

Shillong, July 4: The Meghalaya government has notified various...