Shillong, Jylliew 24: Ha ka sien kaba nyngkong, ki khynnah skul kila ioh ia ka lad hynne ka sngi saitjaiñ ban rung hapoh ka ïing dorbar jong ka Khasi Hills Autonomous District Council (KHADC) ban peit iaka jingiakren bad jingiatai jongki MDC hapoh ka Dorbar Lyiur.
Ki khynnah na ka St Paul’s Higher Secondar School, Marbisu, ka Little Star English School, Mawhati bad ka Mary Mount Higher Secondary School, Mawlai Mawtawar kila ioh ban sakhi da la ki jong ki khmat iaka rukom pyniaid iaka dorbar jong ka KHADC.
Lah ban ong, ba kane kadei ka sien kaba nyngkong ba ki khynnah skul kin ioh ban peit iaka rukom pyniaid ia ka Dorbar, lyngba ka jingshimkhia jong u Chairman ka KHADC u Bah Lamphrang Blah.
Hadien ba la kut ka dorbar, kine ki khynnah skul kila ioh ban iashondur lang bad u Chairman ka KHADC, u CEM Bah Pyniaid Sing Syiem, ki Executive Member bad ki MDC jong ka Council.
Nalor kane la pynlong ruh iaka jingialang ha kaba la ai jingbatai ia kine ki khynnah skul shaphang ka District Council bad ia ka rukom treikam ka jongka.
Pule ruh: Wanrah u CEM KHADC ia ka Mang Tyngka kaba T. 253,12,59,690
 ban peit iaka jingiakren bad jingiatai jongki MDC hapoh ka Dorbar Lyiur.){kind=link}