Shillong, Risaw 11: Ka tnad Jngohkai pyrthei (Tourism) ha ka sngi Saiatjain kala pynbna ba ka 7th edition jong ka Megha Kayak Fest la pynbeit ban pynlong naduh ka 14-18 tarik Risaw, 2025, ha Shnong Shillong Whitewater, Umtham.
Kane ka tamasa mynta u snem kan don ïa ka jingïakob kaba nyngkong eh ha ka Asia Extreme Kayak Championship, kaba wanrah lang ïa ki nongïalehkai ba pawnam na Asia bad shabar ban ïashim bynta ha kane ka jingïakob kaba sngewtynnad.
Ia kane ka tamasa la pynlong da ka Ri Bhoi Water Sports & Tourism Corporation Society Limited, ha ryngkat ka jingiatreilang bad ka tnad Sports and Youth Affairs bad ka Indian Kayaking and Canoeing Association (IKCA) kan pyni ia ki jingialehkai ba kongsan kum ka Down River Sprint bad Canoe Slalom Cross na ka bynta ki shynrang bad kynthei baroh.
Ka Asian Extreme Kayak Championship kan wanrah ïa ki rukom ïalehkai kiba thymmai, kynthup ïa ka Extreme Sprint bad ka Enduro, ki ban ïakhun tyngeh ïa ki nongïalehkai ha Umtrew rapids.
Kane ka tamasa kan kyntiew ia ka jingiaryngkat hapdeng ki shynrang bad kynthei bad ka jingpynrung lang ha ki jingialehkai, da kaba ai khusnam pisa kaba mar kat juh na ka bynta baroh ki kyrdan.
Ka khusnam pisa na ka bynta ki nongjop kan long kumne harum: Down River Sprint, Kayak Cross, bad Kayak Cross: ka long T. 30,000 na ka bynta ki nongjop ba nyngkong ha baroh ar ki kyrdan shynrang bad kynthei, Overall winner: T. 75,000 bad Extreme Kayak Sprint bad Enduro: T. 30,000 na ka bynta ki 1st prize ia ki kynthei bad shynrang.
Ka Megha Kayak Fest ka la kylla long ka jingïalehkai kaba pawnam ha Asia, kaba la khring ïa ki riew shemphang (professional) bad ki nongïalehkai ba dang rit na kylleng ka pyrthei.
Kane ka tamasa ym tang ban pyni tang ïa ka jingitynnad jong ka mariang jong ka Meghalaya hynrei ka la pynpaw ruh ïa ka nam kaba nang kiew kum ka jaka ba kongsan na ka bynta ki nongleit nongwan.
Ka registration na ka bynta kane ka jingïalehkai kan sdang naduh ka 14 tarik u, Risaw 2025, ha ka shnong Shillong Whitewater, bad yn shah na ka bynta baroh ki kayakers jong baroh ki kyrdan.
Kane ka tamasa ka kular ba kan long kaba sngewtynnad jong ka jingrakhe ia ka jingialehkai, ha ka imlang sahlang, bad ka jingsumar mariang, bad la khmih lynti ba kan khring ia ki paidbah ba bun.
 ha ka sngi Saiatjain kala pynbna ba ka 7th edition jong ka Megha Kayak Fest la pynbeit ban pynlong naduh ka 14-18 tarik Risaw, 2025, ha Shnong Shillong Whitewater, Umtham.){kind=link}