Shillong, Jymmang 10 : Ka jingpoi jong ki nongthep vote ha ka elekshon jied MLA ka Sohiong Constituency, kala kot sha ka 67.76% kat haduh ka por 1 baje janmiet.
Kane ka jingpoi thep vote kala pyni ia ka jingnang kiew naka 43.6% kaba la thep kat haduh ka por 11 baje mynstep.
Haduh 34,783 ngut ki nongthep vote ba kynthup ia 17,096 ngut ki shynrang bad 17687 ngut ki kynthei kin iathep ia ki vote jong ki ha ki 63 tylli ki polling station, ban jied ia u Nongmihkhmat sha ka Iingdorbar Thaw Ain ka Jylla.
Ia ka elekshon MLA ha Sohiong la pynkynriah shadien hadien ka jingkhlad noh jong u Myntri kam Pohiing barim ka Jylla bad kyrtong ka UDP Bah HDR Lyngdoh ha ka 20 tarik Rymphang. Ka elekshon MLA kala long ha ka 27 tarik Rymphang ha baroh kawei ka Jylla.
Haduh 5 pyrton ki CAPF kila pahara ha kane ka elekshon ha Shillong ban pynthikna ia ka jingiaid beit iaid ryntih. Ka Tnad Election kala pyndonkam ruh ia ki women flying squadha ka sien ba nyngkong eh nalor ka ka polling station tang jong ki kynthei.
