Shillong, Jymmang 31 : Ka National People’s Party (NPP) kan sa shong jingialang mynta ka taiew ban shim rai ia u kyrtong u ban iakhun ia ka elekshon MP-Rajya Sabha, kaba la buh ban long ha ka 18 tarik Jylliew.
Kat kum ka khubor ba iajan bad ka NPP, lai tylli ki kyrteng kila paw hapoh ka party kum ki kyrtong kiba biang ban phah sha Rajya Sabha bad baroh lain gut ki dei ki MLA barim, kiba shah rem noh ha ka elekshon MLA 2023.
Kine ki laingut ki dei u Bah Hamlet Dohling, MLA barim ka Mylliem, Bah Himalaya M Shangpliang, MLA barim ka Mawsynram bad u James PK Sangma, MLA barim ka Dadenggre constituency.
Ka NPP ka don por satang kane ka taiew ban pynskhem ia u kyrtong hashuwa ka jingleit thep kyrteng ka ban kut ha ka 8 tarik Jylliew.
Ka Election Commission of India kala pyntip ba ka sngi khatduh ban thep kyrteng ki kyrtong ka dei 8 tarik Jylliew, ka jing bishar kyrteng kan long ha ka 9 tarik Jylliew bad ka sngi ba khatduh ban weng ia ka jinglong kyrteng ka long 11 tarik Jylliew.
Ka sngi ban thep vote kan long ha ka 18 tarik Jylliew naduh ka por 9 baje mynstep haduh ka por 4 baje janmiet. Ka jingniew ia ki vote kan long hi ha kajuh ka sngi naduh ka por 5 baje janmiet.
Kumban shu kdew, u Dr WR Kharlukhi, MP ba mynta sha Rajya Sabha, kaba ka samoi treikam jong u kan kut noh ha ka 21 tarik Jylliew, 2026, ula pynpaw ba um don jingthmu shuh ban mihkhmat sa shi samoi.
 kan sa shong jingialang mynta ka taiew ban shim rai ia u kyrtong u ban iakhun ia ka elekshon MP-Rajya Sabha, kaba la buh ban long ha ka 18 tarik Jylliew.){kind=link}