Jan kot 200 ngut kiba shah kem
Shillong, Rymphang 21 : U Chief Electoral Officer (CE) ka Jylla Bah FR Kharkongor, hynne ka sngi ba-ar, ula pyntip ba kila don katto katne ki jingkulmar kiba mih na ka jingiashrut hapdeng ki Nongkyrshan jongka Party bad kawei pat ba kynthup ia lai tylli ki jingkulmar kiba la jur hapdeng ki Nongkyrshan ka NPP bad ka TMC haduh mynta.
U Bah Kharkongor u pyntip ba ha Phulbari constituency, kila don artylli ki jingjia kiba heh bad ha kaba nyngkong, 124 ngut ki briew kila shah rah sha thanad bad pynngat ha ka kyndon 107 CrPC bala pynbud da ka jingkem haduh 25 ngut ki briew. Ha kawei pat ka jingjia, ki Pulit kila register case bad kila don artylli ki ejahar bala mudui, haba bynrap ba ka jinglong jingman mynta kala kham jai jai ha kane ka jaka.
Ula ai jingtip ruh ia kaei kaba la jia halor ka jingkulmar ha West Shillong Constituency, kaba long hapdeng ki nongkyrshan ka TMC bad ki nongkyrshan ka NPP, kaba la jia ha iingsah u kyrtong.
U Bah Kharkongor ula ong “Ka jingtohkit ia kane ka jingjia kala iaid shakhmat bad ki pulit kila kem haduh 50 ngut ki briew ba kynthup ia 15 ngut na ka NPP bad 16 ngut na ka TMC.
U Bah Kharkongor ula pyntip ba ki bor pahara kila lah ban tehlakam ia kane ka jingkular bad la pynkhlain ruh ia ka jingpeit pyrman ha ka Jylla baroh kawei.
