Aizawl, Naiwieng 04 : U Nongialam ka Congress Shashi Tharoor ha ka sngi Saitjain ula ong ba ka Congress shisien ka por kala synshar ia jan baroh ki Jylla ka thain Shatei Lam Mihngi bad ka Mizoram kan dei ka Jylla ba nyngkongka ban wanrah biang ia ka party shaka bor synshar hapoh ka thain.
Haba pynrem ia ka sorkar Mizo National Front (MNF), une u Nongialam ka Congress ula ong ba ka Mizoram haka shah ktah jur bha na ka jingbym lah treikam jong kane ka Sorkar ha kine ki san snem bala leit.
“Ka BJP kala tynruh ia ka buit ban wanrah ia ka jingtylli halor ka nongrim jong kawei ka niam kawei ka kolshor. Ngi deiban kynmaw ba ka jingialong ryntih kam dei ka jingitylli. Kala dei ka por ban kylla, bad ka dei kaba kongsan ba ki briew kiba don ia ka jingshemphang, kin synshar noh ia ka Jylla. Ka Congress ka don ia ki briew ba shemphang kiba lah bad ban pynthikna ia ka bha ka miat jong ka Jylla ha baroh ki liang” ong u Tharoor.
U Tharoor uba dei u MP ka Lok Sabha na Thiruvananthapuram constituency, ula ong ba ha ka elekshon ba 7 tarik Naiweiang sha ka Iingdorbar thaw Ain ka Mizoram, ka Congress kan ioh da kaba suk ia u nombor ban ioh synshar marwei.
Ula pynbna ba lada ka congress ka wan ha ka bor, kan ai ia ka jingsiew ba T.2000 man u bnai sha ki thei iap look bad ki briew kiba don jingduna dkhot met ban pynthikna ba kin ym mad ia ki jingeh. Ka Sorkar Congresskan air uh ia ka insurance ka koit ka khiah ba T. 15 lak sha kawei pa kawei ka longiing.
