spot_img

Elekshon MDC | Thep kyrteng 3 ngut ki kyrtong ha ka sngi ba nyngkong

Date:

Share post:

Shillong, K’lyngkot 27 : Lai ngut ki kyrtong kila thep kyrteng ha ka sngi nyngkong ban iakhun ia ka elekshon sha ki Autonomous District Council (ADC) ha Ri-lum Khasi bad Jaintia, ka ban long la 21 tarik Rymphang.

Baroh kine ki kyrtong ki dei na ki constituency ka Khasi Hills Autonomous District Council (KHADC). Kine ki dei u MDC ba mynta ka NPP na Laitumkhrah-Malki Bah Fantin Joseph Lakadong bad arngut ki kyrtong shimet- Dr OS Jyrwa na Sohryngkham bad Bah Daniel Wahlang na Mawsynram constituency.

Kat kum ki khubor bala ioh, ym shym la don kyrtong kiba leit thep kyrteng na ki saw tylli kiwei pat ki District-West Khasi Hills, South West Khasi Hills, Eastern West Khasi Hills bad Ri Bhoi – kiba hap hapoh ka KHADC bad ki artylli ki District – West Jaintia Hills ba East Jaintia Hills – kiba hap hapoh ka JHADC.

Kine ki artylli ki ADC ki don ia ki nongthep vote ba kot haduh 13,08,818 ngut bad na kine 9,96,518 (515247 ki kynthei, 481268 ki shynrang) ki dei na KHADC bad 3,12,300 ngut ki nongthep vote ( 1,611,220 ki kynthei bad 1,51,079 ki shynrang bad uwei u bahkong) ki dei na JHADC.

Ki don haduh 2146 tylli ki Polling Station ha kaba 1669 tylli ki hap hapoh ka KHADC bad 477 ha JHADC.

Ka jingthep kyrteng ki kyrtong kan long naduh ka 27 tarik Kyllalyngkot haduh ka 3 tarik u Rymphang ha ka por 3 baje janmiet bad hadien kane, yn pynbud da ka jingbishar kyrteng. Ka sngi khatduh ban weng kyrteng kan long ha ka 4 tarik u Rymphang bad ka sngi khatduh ban rai ia ki kot ki sla ki kyrtong bad jingaiti ia ki shap kan long ha ka 6 tarik Rymohang.

Ka sngi ban thep vote kan long ha ka 21 tarik Rymphang bad ka jingniew ia ki vote kan long ha ka 24 tarik Rymphang.

Share post:

spot_img
spot_img

Popular

More like this
Related

AKMTTA’s protest backfires | Meghalaya vehicles stopped at Jorabat

Shillong, Sept 18: The protest launched by the All...

Kyrtoh kylla ka jingleh ka AKMTTA | Shah khang lynti lut ki kali Meghalaya ha Jorabat

Shah bat ka kali u Myntri barim ka Jylla...

Electoral roll revision gathers pace in Assam ahead of Assembly polls

Guwahati, Sept 18: Ahead of the upcoming Assembly elections...

US scientist calls for scrapping Meghalayan Age from geological timescale

Guwahati, Sept 18: A prominent American paleoclimatologist has called for...