spot_img

Elekshon MDC | Rai ka BJP ban sei kyrtong ki ban aireng ha Ri-lum Khasi bad Jaintia

Date:

Share post:

Shillong, Naiwieng 21: Ka Bharatiya Janata Party (BJP) Meghalaya ka la rai banei kyrtong ki ban iakhun ia ka elekshon ban wan sha ki 2 tylli ki Autonomous District Council (ADC) ha Ri-lum Khasi bad Jaintia, kaban long ha u snem ban wan.

Haba pyntip ia kane, u nongialam ka BJP bad Myntri Sorkar Bah AL Hek u la ong ba ka Party ka la iakren ia kane ka mat ha ka jingialang kaba la long hapdeng ki dkhot ba la kham rangbah ba kynthup ia u president, ki vice president bad ki general secretary.

“Ngi don ka jingmut ba ka Party ka dei ban pynkhreh ban mih ïakhun ïa ka elekshon ban wan sha ka KHADC bad sha ka JHADC,” ong u Bah Hek.

U Bah Hek u la ong ba haduh mynta ka Party ka la ioh aplikeshon tang na ki 2 ngut na Ri-bhoi District kiba kwah ban iakhun naka Ticket jong ka BJP.

Ka BJP ka don uwei u MDC ha Garo Hills Autonomous District Council (GHADC).

U Bah Hek u la ong ba ka party kan nym kwah ban iakhun ia ka elekshon MDC tang na ka bynta ban iakhun ia ka elekshon. “Kumta, dei ban shim khia ïa ka jinglah ban jop jong ki kyrtong (haba ai tiket jong ka party),” u la pynpaw.

Katkum ka jingong jong u, ka Party kan sdang noh ïa ka jingpynkhreh ïa ka elekshon MDC.

Share post:

spot_img
spot_img

Popular

More like this
Related

Ioh jingithuh ka Ganesh Das Hospital da ka ‘Bronze Quality Certification’ na ka QCI

Shillong, Jylliew 20: Kum ka jingpynshisha ïa ka jingthrang...

Pynbna u SDO ban khang iaid kali na ka surok Laitlyngkot-Lyngkyrdem

Shillong, Jylliew 20 : U Sub Divisional Officer (c)...

Sospon ka NEHU ia u Professor ba shah kem ha ka CBI halor ki kam bamsap

Shillong, Jylliew 20: Ka North Eastern Hill University (NEHU)...