Shillong, K’lyngkot 21 : Ka Bharatiya Janata Party (BJP) Meghalaya Pradesh, kala pynbna ia ka thup kyrteng ba 17 ngut jong ki kyrtong ki ban mih iakhun ia ka elekshon Autonomous District Council (ADC) ka Ri-lum Khasi bad Jaintia,ka ban long la 21 tarik Rymphang.
Na kine ki kyrtong, 14 ngut ki dei ki ban mih aireng na ki Constituency ka Khasi Hills Autonomous District Council (KHADC) bad 3 ngut na ki constituency ka Jaintia Hills Autonomous District Council.
Ia kine ki kyrtong la mynjur da u President ka Meghalaya Pradesh hadien ka jingphah kyrteng jong ka State Election Committee ka Party.
Haba kren sha ki lad pathai khubor, u General Secretary ka BJP Bah Wankitbok Pohshna ula ong “Kane ka dei ka sien ba nyngkong ba ka party kaba mih ban iakhun na bun tylli ki seat ha ka ADC elekshon. Nga thikna ba ka jingiashimbynta jong ngi kan iarap naba ka party kan lah bannoh synniang ha ka ban pynkhlain ia ka nongrim jong ki District Council”.
U pyntip ba ia ka thup kaba ar jong ki kyrtong yn sa pyllait hashuwa ka 27 tarik Kyllalyngkot.
Haba kylli, u Bah Pohshna ula ong ba ki don bun ki seat kiba don lad ban jop na ki constituency bapher bapher ha Ri-lum Khasi bad Jaintia.
Halor ka jingkynnoh pyndonkam bakla ia ka pisa da ki kyrtong ha ki elekshon bala dep, u General Secretary ula ong “Ngam lah ban kynthoh ia kaei kaba bakla ha ki elekshon bala leit hynrei ngin sa pynthikna ba ki kyrtong kiba la pynbna mynta ka sngi kin leit sha madan bad rah ia ka khubor jong ka party”.
Ha KHADC, ki kyrtong ki dei : Himanta Timung-Jirang, Manin Raja-Nongpoh, Hopingstone Marsharing-Mawhati, Brightstarfield Khongwir – Umsning, Councellor Mukhim- Mawkynrew, Elvisstar Kharbudon-Langkyrdem-Laitkroh, Ebren Khongthah-Nongskhen, Fairlock D Ryngksai- Nongthymmai, Kynsaibor Lyngdoh-Malki-Laitumkhrah, kong Daniella Nonglait-Mawlai, Lewis Janong Suting – Langrin, Dimandar Lyngdoh- Nongstoin, Dominic Wahlang-Rambrai-Jyrngam bad Roland Mawsor-Mawshynrut.
Ha JHADC, ki kyrtong ki dei : Heimonmitre Phawa- Jowai South, Manbha Lyngdoh- Muthlong-Sohkymphor, Shanbor Rymbai- Musniang Rngad.
 Meghalaya Pradesh, kala pynbna ia ka thup kyrteng ba 17 ngut jong ki kyrtong ki ban mih iakhun ia ka elekshon Autonomous District Council (ADC) ka Ri-lum Khasi bad Jaintia,ka ban long la 21 tarik Rymphang.){kind=link}