Shillong, Iaiong 19: Ki paid nongthep vote kila iamih bha ha man ki Polling Station ka Jylla, ban pyndep iala ka kamram ha kaban jied ia ki nongmihkhmat sha Lok Sabha ha baroh artylli ki constituency ka Jylla-ka Shillong bad ka Tura Parliamentary constituency.
Kat haduh ka por 1 baje, ka jingiathep vote kala hui hui bha bad la pyntip ba ka jingpoi thep vote kala jan kot ia ka 49 percent.
Ha Shillong constituency, ka jingthep vote kala kot haduh50.23 percent, katba ha Tura kala kot 46.67 percent.
Ka jingiathep vote had baroh ki Polling Station ka Jylla ki long kiba iaid beit iaid ryntih khlem kano kano ka jingthut lait noh ka jingsniew ki katto katne ki EVM ha ki katto katne ki jaka, ia kiba la bujli noh da kiwei.
Don ki Polling Station ki ba la sdang kham slem ia ka jingthep vote namar ka jingpynthut ka EVM.
