Shillong, Iaiong 19: Saw ngut ki kyrtong ba iakhun ia ka elekshon Lok Sabha na Shillong seat, kila pyndep ia ka kamram ban thep vote hynne ka step.
Kine ki saw ngut ki dei ka Dr Ampareen Lyngdoh, Vincent H Pala, Dr Ricky AJ Synkon bad Prof Lakhon Kma.
Lai ngut na kine ki kyrtong kila thep vote ha Shillong katba u Bah Vincent H Pala, ula pyndep ia ka jingthep vote ha Lamyrsiang Polling Station kaba hap ha Sutnga-Saipung constituency.
Ka kyrtong ka National People Party (NPP) Dr M Ampareen Lyngdoh kala thep ia ka vote jong ka ha Arya Kanya Vidyalaya Polling Station jong ka Laitumkhrah Constituency.
Ia ka kong Ampareen la synran da ka Khun bad ki bahaiing hasem.
Ka kong Ampareen ka dang bat mynta kum ka Myntri ha ka Sorkar Jylla ba ialam da ka NPP.
Kumjuh ruh u kyrtong ka Voice of the People Party (VPP) Dr. Ricky Syngkon ula thep ia ka vote jong u ha Pohkseh Glakyn school Polling Station ha ka por 10:15 baje mynstep.
U Dr Syngkon u dei uba iakhun ia ka elekshon MLA 2023 na Umsning Constituency bad ula wan ba-saw.
U Dr Syngkon u dei ruh u Assistant Professor ka NEHU, Shillong.
U Prof Lakhon Kma ula pyndep ia ka jingthep vote ha St. John Bosco Secondary School Polling Station.
Kat haduh ka por 10 baje,ka jingpoi thep vote ki paidbah ha Shillong kala kot 15.41 percent katba ha Tura ka kot 10.81 percent.
