Shillong, Lber 08 : Ka Indian National Congress (INC) hynne ka sngi Thohdieng, kala pyllait ia ka thup kyrteng ba nyngkong jong ki 39 ngut ki kyrtong ki ban iakhun ia ka elekshon Lok Sabha 2024.
Napdeng kine ki 39 ngut, ka kyrteng u Bah Vincent H Pala kala mih ban iakhun biang na Shillong bad u MLA Saleng A Sangma ban iakhun na Tura parliamentary constituency.
Kat kum kane ka thup, 15 ngut ki kyrtong ki dei na ka General category, 24 ngut ki dei na ka SC, ST, OBC bad ki kynhun rit paid.
12 ngut na kine ki kyrtong ki dei kiba hapoh ka 50 snem katba 8 ngut ki dei kiba hapdeng 50-60 snem, 12 ngut kiba hapdeng 61-70 snem bad 7 ngut kiba hapdeng ka 71-76 snem.
Ia kane ka thup kyrteng ki kyrtong la pyllait da ka Central Election Committee jong ka Congress kaba la soi da u General Secretary AICC KV Venugopal.
 hynne ka sngi Thohdieng, kala pyllait ia ka thup kyrteng ba nyngkong jong ki 39 ngut ki kyrtong ki ban iakhun ia ka elekshon Lok Sabha 2024.){kind=link}