Shillong, Lber 08: Ka Expert Committee kaban khmih halor ka State Reservation Policy, kala iakynduh markhmat ha ka sien kaba nyngkong eh hynne ka sngi Thohdieng ha Shillong bad ki heh ophisar ka jylla.
Ia kane ka jingialang la pynlong hapoh ka jingpyniaid jong u Chairman Justice (Retired) Mool Chand Garg.
Kane ka Expert Committee ka dei kaba la thaw lyngba ka Notification kaba la mih ha ka 12 tarik u Nailur 2023.
Shuwa kane, kane ka committee kaba kala pynlong la bun tylli ki jingialang lyngba ka Video Conferencing.
Katei ka kynhun kala leit ruh ban jngoh ia ka ophis treikam jongka Expert Committee kaba don ha ka ophis treikam jongka Assistant Commissioner of Food and Safety, Lachumiere,Shillong.
Ki dkhot jong kane ka committee kila shong ruh ia ka jingialang bad kila shim ia ka rai ia kiei ki sienjam kaba kin shim nangne shakhmat.
La thaw ia katei ka Committee na ka bynta ba kan khmih bniah ia ka Reservation Policy kaba mynta jong ka jylla Meghalaya. Kane ka Committee kan iakynduh biang ha u Iaiong mynta u snem.
