Shillong, Iaiong 19: U Kyrtong ka seng United Democratic Party (UDP) u Bah Roberjune Kharjahrin ula ong, ba u kyrmen skhem ban jop ia ka elekshon MP Lok Sabha na Shillong Parliamentary Constituency bad kan shong ruh ha ki paidbah, iano ki jied namar baroh ki kyrtong kiba iakhun ia ka elekshon ki long kiba biang lut.
“Nga ai khublei ia baroh ki nongshong shnong ka Shillong Parliamentary Constituency kiba la kyrshan ia nga bad wat ia kito ruh ki bym kyrshan ia nga, kumta nga skhem ha ka jingngeit ba ngan jop ha kane ka ilekshon MP Lok Sabha” ong u Bah Robertjune hadien ba ula dep ban thep ia ka Vote ka jong u hynne ka sngi.
Ula ong ba ki paidbah kin sa pynshong nongrim iaki mat jura bad ia ka jingbit jong ki kyrtong bad ym kwah ban kynthoh iano iano hynrei u kitbok ia baroh ki kyrtong kiba iakhun ia ka elekshon.
Ula ong, ba lada u poi sha ka thong, un iatreilang bad baroh ban long ka sur naka bynta ka bha ka miat jong baroh.
U Bah Robertjune ula ioh iaka jingkyrshan na ka kynhun Regional Democratic Alliance (RDA) jong ki seng riewlum kaba kynthup ia ka seng United Democratic Party bad ka Hill State Peoples Democratic Party.
 u Bah Roberjune Kharjahrin ula ong, ba u kyrmen skhem ban jop ia ka elekshon MP Lok Sabha na Shillong Parliamentary Constituency bad kan shong ruh ha ki paidbah, iano ki jied namar baroh ki kyrtong kiba iakhun ia ka elekshon ki long kiba biang lut.){kind=link}