Guwahati, Lber 07 : Katba ki sngi sha ka elekshon Lok Sabha ki nang jan, u Myntri Rangbah ka Assam Himanta Biswa Sarma ula iathuh lypa ba ka BJP kan jop haduh 22 seat naka 25 seat ha ka elekshon napoh ka thain Shatei Lam Mihngi.
Haba iakren bad ki lad pathai khubor, u Himanta ula ong “Ha Assam, ngin ioh haduh 11 seat. Ngi la ai lai seat sha ki paralok ba iatreilang. Ka BJP bad ki paralok kin sar naphang ha NE”.
“Ha ka elekshon Lok Sabha 2019, ka BJP kala jop 14 seat bad ki paralok kiba jop 4 seat, kaba pynlong ia ka NHA ban jop haduh 18 seat baroh lang na ki 25 tylli ki Lok Sabha Constituency” ula pynpaw.
U Himanta ula ong “Ka Liang Pyrshah kala khot ia ka jingiakhih ha ki sngi ban wan iuhkjat u Myntri Rangbah Duh Narendra Modi ha Assam ban pynbiej ia ki lad pathai khubor. U PM Modi un iai wan beit sha Assam, lada dei ba u dang wan ha ka sien ba nyngkong, ka mut kane ka don jingiadei bad ka elekshon. Kane kan dei ka sien kaba lai ba u PM Modi un wan sha Assam”.
“Nga ong ba ngin ioh 11 seat ha Assam hynrei ngi lah ban ioh ruh 12 seat. Ha ka thain Shatei Lam MIhngi ba ngi ban ioh ia kiba bun ki seat namar ka Sorkar jong ngi kala pyntrei ia shibun ki kam pynroi” ong u Himanta.
