Elekshon Lok Sabha : Iatehlok ka Rapido bad ka MSEC ban kit ei ia ki nongthep vote ha Shillong

Shillong, Iaiong 17 : Kum shibynta ban suk ia ki paid nongthep vote ha ka leit ka wan, ka Rapido, ka commute app ba pawkhmat ha India, ka la iatehlok bad ka Meghalaya State Election Commission ban pyntreikam ia ka “Sawaari Zimmedari Ki”.

Kane ka campaign ka long ruh ban pynsuk ia ka leit ka wan ki nongthep vote khlem da donkam siew eiei ha ka nongbah Shillong, kata ha ka sngi thep vote ka 19 tarik Iaiong 2024. Kumta ki nongthep vote kin iohlad ban leit sha ki jaka thep vote da kaba shong da ki Rapido khlem donkam siew eiei.

Kumta hap ban pyndonkam ia u promotional code “VOTENOW” ha ka Rapido app, bad kane kan pynlong ia ki nongthep vote hapoh ka nongbah ban shong ei ia kine ki kali khlem donkam siew ha ka sngi thep vote bad ba baroh kin ioh ia ka hok ban ioh thep vote khlem da khuslai halor ka pisa.

Haba pynpaw halor kane ka sienjam, uwei na ki nongseng ka Rapido, u Pavan Guntupalli, u la pynpaw ba ka jing shim ia kane ka sienjam ka long shibynta bna pyniaid hok ia kane ka ilekshon synshar paidbah. U Guntupalli u la ong, “Ka thong jongngi ka long ban pynioh ia ka lad ia ki nongshong shnong ha nongbah ban leit thep vote khlem jingkhuslai bad ban wanrah ban wanrah ia ka synshar paidbah kaba jop.”