Imphal, Iaiong 19 : Ki kynhun kaikhlaw kila hiar thma bad ther kuli ha ki katto katne ki Polling Station bad pynpra ruh ia ki EVM ha Imphal East.
Kat kum ka khubor Pulit, ka jinghiar thma ki kaikhlaw kala jia ha Thongju Assembly constituency jong ka Imphal East.
La iathuh ba ka jingkulmar kala mih ruh hapdeng ki ar kynhun ha Thamnapokpi kaba hap hapoh ka Bishnapur District bad ha kane ka jingjia, lai ngut ki briew kila mynsaw.
Ka jingpoi thep vote ki paidbah kat haduh ka por 11 baje, ka la kot 28.19 % hakane ka constituency.
Ki Pulit ki pyntip ba ki don haduh lai tylli ki jingjia ba leit pynkulmar bad pynpyra ia ki EVM ha baroh artylli ki constituency kata ha West bad East Imphal.
