Shillong,Iaiong 08 : Ka National People’s Party (NPP) ha ka sngi Nyngkong, kala hap ban pynkut shiteng ia ka jingialang ialap elekshon ha Jaiaw, Shillong na ka daw ka jingwan pynthut jong ki nongkyrshan ka Voice of the People Party (VPP).
Hashuwa kane ka jingjia, ki nongkyrshan ka VPP kila leit ban pynthut ia ka jingialap elekshon ka NPP ha Umsning, kaba la poi ruh sha ka jingiaktah kti haduh ba ka kyrtong bad Myntri Sorkar Kong Ampareen Lyngdoh, kala hap bthah ia ki ba kin mih noh na ka jaka ba don ka jingialang.
“Ngi la rai ban pynkut noh ia ka jingialang namar ngim kwah ban mih kano kano ka jingkulmar. Ngi ai khublei ia baroh ki paidbah kiba la mih shakhmat ban kyrshan ia ka party” ong ki nongialam ka NPP.
Ka kynhun ki nongkyrshan jong ka VPP kila wan ban pynthut ia ka jingialang, kaba la pynlong na kawei ka Iing ha Jaiaw.
Peit lang ia kane
