spot_img

Elekshon Lok Sabha | Baroh ki kyrtong kiba khlain, ka NPP kala trei shitom ban jop: Prestone

Date:

Share post:

Shillong, Iaiong 02 : U President ka National People’s Party (NPP) ka Jylla bad Symbud Myntri Rangbah Ban Prestone Tynsong ha ka sngi Ba-ar, ula ong ba ka NPP kala shim ia baroh ki nongialeh pyrshah kum ki jingma ha kane ka elekshon Lok Sabha ban wan.

Haba iakren bad ki nongthoh khubor, u Bah Prestone ula ong “Ka Elekshon hi ka dei ka elekshon.. Ngi don hynriew ngut ki kyrtong na Shillong Parliamentary seat, ngam ong ba ka jingma ka dei ka VPP ne kiwei kiwei ki political party, ka jingma ka long ia baroh ki kyrtong, ki dei kiba khlain”.

Hynrei ula ong ba ki Nongialam bad nongkitkam ka NPP kila trei shitom ban pynthikna ia ka jingjop jong ka kyrtong ka party Kong Ampareen Lyngdoh.

Haba pynpaw ba bun ki briew kila wan iasoh sha ka party hashuwa ka elekshon, u bah Prestone ula ong “Ngi dang shu wan phai na Jowai ha kaba bun ngut ki nongialam kila wan ban iasoh bad ngi bad ym tang ha Jowai, nga tharai ba u Working Presdient ruh u la pdiang ia ka NPP”.

“Ngan iathuh ia phi ba ha Shillong bad Tura parliamentary seat, nga thikna ba ha kine ki seat, ngin ioh beit ia ka jingjop” ula ong.

Share post:

spot_img
spot_img

Popular

More like this
Related

Pynbna ka MCA ia ka Kynhun U-19 Women Cricket Team ban mihkhmat sha ki lympung ka BCCI

Shillong, Nailar 26: Ka Meghalaya Cricket Association (MCA) kala...

Rai ka Sorkar ban rah noh ia 708 tylli ki kam ka BWHG sha ka SDRF

Shillong, Nailar 26 : Ka Sorkar Jylla kala rai...

Kem ka ANTF ia 2 ngut ki snar nongkhaii droks na EJHD

Shillong, Nailar 26 : Ka kynhun Anti-Narcotics Task Force...

Mynjur ka Sorkar ban pynkylla ia ka service rule ka tnad Fisheries

Shillong, Nailar 26 : Ka Kynhun Myntri ka Sorkar...