Nongpoh, Rymphang 24: Ka Voice of the People Party (VPP) bad ka National People’s Party (NPP) kila khur ia ka nam jop na ki 5 tylli ki District Council constituency ka Ri-Bhoi District bad ka VPP kala shim ia ka bhah kaba bun.
Na kine ki 5 constituency- ka VPP kala ioh ia ka nam jop haduh 3 tylli ki constituency katba ka NPP kala ioh ia 2 tylli ki constituency.
Ka United Democratic Party (UDP) bad ka Indian National Congress (INC), kiba la suhthied bha ha Ri-Bhoi District, kila brut ha kane ka kynti bad kim shym la ioh satia ia ka jingkyrshan na u paidbah.
Ki constituency kiba ka VPP kala ioh ia ka jingjop ki kynthup ia ka Mawhati, Umsning bad Umroi. Katba ka NPP kala ioh ia ka jingjop ha Jirang bad Nongpoh.
Ha Mawhati, u Bah Kynjohlang Rangtong (VPP) ula ioh haduh 11592 vote ban pynliem ia u Bah Joplin Sten jong ka NPP uba ioh 10539 vote.
Ha Umsning, u Bah Banrikus Nongsteng (VPP) ula ioh 10530 vote bad pynliem ia ka sitting MDC bad kyrtong ka NPP Kong Macdalyne Sawkmie Mawlong kaba ioh 9960 vote.
Ha Umroi, u Bah Isynei Hinge (VPP) ula ioh 9937 vote bad pynliem ia u sitting MDC bad kyrtong ka NPP Bah Rangkynsai Kharbuki uba ioh 7929 vote.
Ha Jirang, u MLA bad kyrtong ka NPP Bah Sosthenes Sohtun ula ioh ia ka jingjop da ka jingioh haduh 13822 vote ban pyn liem ia u sitting MDC jong ka Congress Bah Victor Rani uba ioh 5990 vote.
Ha Nongpoh, ka MDC barim Kong Rona Khymdeit kala ioh ban wan phai biang sha ka Iingdorbar ka KHADC kum ka MDC ka NPP da ka jingjop ha kane ka elekshon. Ka Kong Rona kala ioh haduh 11306 vote ban pynliem ia u sitting MDC jong ka UDP Bah Balajied Rani uba ioh 7662 vote.
 bad ka National People’s Party (NPP) kila khur ia ka nam jop na ki 5 tylli ki District Council constituency ka Ri-Bhoi District bad ka VPP kala shim ia ka bhah kaba bun.){kind=link}