Shillong, Rymphang 27 : Ka Garo Hills Autonomous District Council (GHADC) kala pynlong kongsan ba ki kyrtong ba iakhun ia ka elekshon ban wan, kin hap ban ai ia ka syrnot Scheduled Tribe (ST) kaba treikam, kaba la ai da ki borkhmih jong ka Sorkar Meghalaya.
Ka elekshon sha ki 29 tylli ki seat ka GHADC kan long ha ka 10 tarik u Iaiong.
Ha ka jingpynbna ba pynmih ha ka 17 tarik Rymphang, u Chief Executive Member (CEM) ka GHADC ula ong ba kane ka sienjam ka dei kaba la shim da ka jingthmu ban pynthikna ia ka jingsynshar hi dalade ialade, ban iada ia ka riti ka dustur, ki jingleh tynrai bad ka jinglong ba kyrpang jong ki paid Garo ha ka imlang sahlang bad ka sain pyrthei.
Ka jingpynbna ka ong “Na ka bynta ka jingiakhun ia kano kano ka General Electon lane Bye-Election sha ka Garo Hills Autonomous District Council, man ki kyrtong ki dei ban ai ia ki syrnot ST ba treikam, kiba la ai da ki bor khmih jong ka Sorkar Meghalaya”.
Ka GHADC ka bthah ia baroh ki Returning Officer bad ki Assistant Returning Officer ban pynshisha ia ki syrnot ST ba ai ha ka por ba shong bishar ia ki kot ki sla thep kyrteng. Ka jingbym lah ban ai ia ki syrnot kan lam sha ka jingkyntait ia ki kot ki sla ban long ki kyrtong.
Kane ka jingpynbna kan treikam noh mardor bad kan treikam ruh ha baroh ki elekshon bala pynlong da lane hapoh ki bor khmih jong ka GHADC.
 kala pynlong kongsan ba ki kyrtong ba iakhun ia ka elekshon ban wan, kin hap ban ai ia ka syrnot Scheduled Tribe (ST) kaba treikam, kaba la ai da ki borkhmih jong ka Sorkar Meghalaya.){kind=link}