Shillong, Rymphang 16: Ka National People’s Party (NPP) ha ka sngi Nyngkong, ka la pynlait paidbah ia ka thup kyrteng ba nyngkong (First List) kaba don 24 ngut ki kyrtong, ki ban iakhun ia ka elekshon MDC ban wan sha ka Iingdorbar ka Garo Hills Autonomous District Council (GHADC), kaba kynthup ia ki constituency ha West, South bad North Garo Hills.
Ia ka jingpynbna (Notification) la pynmih da u President NPP Meghalaya u Bah Prestone Tynsong hadien ka jingmynjur jong ka State Election Committee.
Ka thup kyrteng jong ki kyrtong ka kynthup u Calis G Momin – Siju, Jewil S Mark – Wagesik-, Sengchim N Sangma – Gasuapara, Kapilson A Sangma -Barengapara, Rakesh A Sangma – Babelapara, Balsrang Arengh – Amongpara, Charmingstar N Sangma – Turay, Kredithson Ch Marak – Dengnakpara, U Linegor K Sangpara – Koch – Betasing, Arbinstone B Marak – Rochonpara, Anseng A Sangma – Asananag, Andresh Ch Marak – Balachanda, Maxwell M Sangma – Batabari, Peterjop A Sangma – Shyamnagar, Grahambell A Sangma – Jengjal, Sunny Rogers G Momin – Rongrong-, Ponglseng, Da Sangma – M Kharkutta, Henen R Sangma – Darugre, Sengbath R Marak – Williamnagar bad Nihim D Shira – Samandagre constituency.
Haduh mynta ka NPP ka dang hap ban rai ia ki kyrtong kiba iakhun na ki 5 tylli ki constituency kata na Raksamgre, Naguapara, Bocdamgre, Silkigre, Rongrikkimgre.
Haba kren shaki lad pathai khubor u Spokesperson ka NPP u Marcuise N Marak u la iathuh baka Party daka jingshemkhia kala rai ban nym ai Ticket ia u Chief Executive Member (CEM) ka GHADC u Albinush R. Marak.
“Ngi ai Ticket iaki kyrtong hadien ka jingbishar bniah ban pynthikna ba kin ioh iaka jingjop namar kata ngi la rai ban nym ai Ticket ia u CEM ha kane ilekshon MDC ban wan” la ong u Marcuise.
