Betasing, K’lyngkot 09 : U National President ka National People’s Party (NPP) bad Myntri Rangbah ka Jylla Conrad K Sangma, ha ka sngi Palei ula ong ba ka party kala dep pynkhreh pura ia ka elekshon ban wan ka Garo Hills Autonomous District Council (GHADC) bad kyntu ia ki nongialam bad ki nongkyrshan ba kin iatreilang kum kawei ka kynhun ban nang kyntiew shuh shuh ia ka roi ka par ha ka thain bad ka Jylla.
Haba kren ha ka jingialang ka party ha Betasing, South Garo Hills, kaba la iashimbynta da ki nongialam ba rangbah ka party, ki MLA bad Myntri Sorkar, une u Khliehduh ka NPP ula kyntu ia ki nongtrei ka party ba kin ai ka jingshaniah ha ki nongialam ka party bad ia ka jingkhlain jong ka party.
“Haba ki paidbah kila ai sha ngi ia ka rai, kan ym dei na ka bynta ka jingmyntoi shimet. Kane kam dei ka bor jong ngi, kane ka dei ka jingbahkhlieh” ong u Conrad haba bynrap “kum ka seng ba synshar, ngi dei ban kylli ialade man ka sngi kaei kaba jingiapher kaba ngi la leh ha ka jingim jong ki briew jong ngi. Ngim dei ban pynlut wat ia shisngi bad ngi dei ban trei hok na ka bynta ki paidbah kiba la ai ka jingshaniah da kane ka jingkitkhlieh”.
Haba kren halor ki jingeh bala iakynduh da ka GHADC ha kine ki snem bala leit khamtam ka jingsahkut ka tulop ba da ki bnai, u Conrad ula batai ba ka Sorkar, haba burom ia ka jinglong laitluid jong ka Council, kala shim ia ka sienjam kaba kongsan ban pynduna ia ka jingeh bala mad da ki nongtrei jong ka Council.
Ula bynrap baka Sorkar kala dep ruh ban siew lut ia ka pension jong baroh ki mDC barim, haba ban jur ia ka jingkut jing mut jong ka Sorkar ban leh eiei halor ki jingeh kiba don da ka lynti kaba don jingkitkhlieh.
“Kala don ka por ba ka Ophis ka GHADC kala khang da ki bnai namar ki jingiakhih. Ngi la shim halade ia ka jingbahkhlieh bad ban sngap ia baroh arliang mamla bad ban shem ia ka lynti ban pynbeit. Kiba bun kila pyrshang pynlong kam politics ia kane ka kam, hynrei ka Sorkar jong ngi kala jied ia ka lynti ban pynbeit ha ka jaka ban kynnoh” ula ong.
Haba kren halor ka elekshon ban wan, u Conrad ula kren halor ki lynti kiba hap ban pyniaid hapoh ka party haba pynpaw ba bun kila pan ticket na kawei pa kawei ka constituency.
“Kane ka dei ka riti synshar paidbah. Baroh ki kwah ban kyrshan iala ki jong ki kyrtong bad bun kila aplai ia ka ticket na ka party. Hynrei ngm lah ban shu ai ticket ia baroh” ula ong.
“Hadien baka party kala shim ia ka rai lyngba ka jingiasyllok bad ka jingiaid survey, baroh ki dei ban wan lang bad kyrshan ia u kyrtong ka party. Lada kam don ka party, kam don eiei satia. Ngi dei ban long kiba kloi ban len lade na ka bynta ka jingbha jong ka party” ula ong.
Haba pynbna ia ki kam pynroi ha South Garo Hills, u Myntri Rangbah ula pyntip ba ki don bun ki project ba kongsan ki ba la pyntrei ha ka thain bad kine ki kynthup ia ka surok Betasing-Zikzak bala mang T.27 klur, ka Zikzak-Budukona ba T.22 klur.
“Ngi la buh ia u mawnongrim na ka bynta ka jingkiew shaphrang bad ka roi ka par bad ngin dangiai bteng ban trei na ka bynta ka roi ka par ba kumjuh lang ha baroh kawei ka Jylla” ula ong.
 bad Myntri Rangbah ka Jylla Conrad K Sangma, ha ka sngi Palei ula ong ba ka party kala dep pynkhreh pura ia ka elekshon ban wan ka Garo Hills Autonomous District Council (GHADC) bad kyntu ia ki nongialam bad ki nongkyrshan ba kin iatreilang kum kawei ka kynhun ban nang kyntiew shuh shuh ia ka roi ka par ha ka thain bad ka Jylla.){kind=link}