Shillong, Nohprah 22 : Ka Bharatiya Janata Party (BJP) kala nang iaid ban ithuh ia ki kyrtong ki ban mih aireng ha ka elekshon Garo Hills Autonomous District Council (GHADC) ban wan, da ka jingthmu ban sei kyrtong na kiba bun ki constituency, ong u Nongialam bad MLA ka Pynthorumkhrah Bah A.L.Hek.
Ha ka jingiakren bad ki lad pathai khubor, u Bah Hek ula ong “Ngi la jam shakhmat ha kaban pynithuh ia ki kyrtong na baroh ki constituency. Ngi la trei shitom ban iakhun ha kane ka elekshon ban wan- lada ym dei na baroh ki constituency, ngi la khmih lynti ban sei kyrtong na kumba 60-70% ki constituency”.
Haba bynrap ba bun ki briew ba kwah ticket kila wan iakren ia ka party, hynrei ia ka jingpynbna kyrtong ym pat leh satia mynta.
“Bun kila wan iakren ia ka party, hynrei ka dang kloi palat ban ong mano kita ki kyrtong, namar ngim pat pynmih ia ka jingpynbna ia ka kyrteng ki kyrtong” ula batai.
Une u MLA ula pynpaw ruh ia ka jingnang phaikhmat u paidbah sha ka BJP, haba phai sha ki kam pynroi bala wanrah da u Myntri Rangbah Duh Narendra Modi bad ka Act East Policy.
“Ki paidbah ha kylleng ki Jylla kila ianoh sha ka BJP. Kila iohi ia ki kam jong u Myntri Rangbah Duh Narendra Modi, uba la trei khlem shongthait ban pynroi ia ka ri India, kynthup ka Meghalaya lyngba ka Act East Policy” ula ong.
Halor ka jingiatreilang bad kiwei ki party hashuwa ka elekshon, u Bah Hek ula pynpaw ba ka party ka long kaba kloi ban iatreilang bad kiwei ki party khamtam ka National People’s Party (NPP), kaba shong pat ha ki seat ki ban jop.
 kala nang iaid ban ithuh ia ki kyrtong ki ban mih aireng ha ka elekshon Garo Hills Autonomous District Council (GHADC) ban wan, da ka jingthmu ban sei kyrtong na kiba bun ki constituency, ong u Nongialam bad MLA ka Pynthorumkhrah Bah A.L.Hek.){kind=link}