spot_img

Eksam HSSLC | Pass 79.9 % ha ka Science bad 79.17% ha ka Commerce ha Ri-Bhoi

Date:

Share post:

Nongpoh, Jymmang 08 : Ka Ri-Bhoi District kala kot ia ka 79.9 % ki samla pule kiba pass ha ka Science stream bad 79.17 % ha ka Commerce Stream jong ka eksam HSSLC bala pynbna result da ka MBoSE hynne ka sngi Balang.

U Samla Jagjot Singh Nongtdu, u samla pule ka Alpha English Higher Secondary School, ula ioh bat ia ka kyrdan 10 position ha ka Commerce stream da ka jingioh haduh 87.6%.

Une u samla ula pynpaw ia ka jingsngewnguh iala ki nonghikai bad ki Kmie Kpa halor kane ka jingpass bha jong u.

Ka Principal jong ka Alpha English Higher Secondary School Kong W Blah kala ai ka jingiaroh ia ka jingtrei shitom jong ki Khynnah skul kiba la wanrah ia ka nam ka burom ia ka skul bad ia ka District baroh kawei.

Haba iakren bad ki nongthoh khubor ka District School Education Officer (DSEO), Ri-Bhoi Kong Paidolyne Lyngdoh Nonglait kala ong ba kum ka District kaba dang sahdien ha Meghalaya, kane ka dei sienjam sha ka jingjop ha ka pule ka dangle hapoh Ri-Bhoi.

Share post:

spot_img
spot_img

Popular

More like this
Related

Hukum ka Iingkashari POCSO ban set 7 snem ha phatok ia u nongleh beijot

Shillong, Naitung 31 : Ka Iingkashari ka Special Judge...

Ai khublei u Lat ia ka Ri-Bhoi kaba la jop ha ki lai bynta ka Aspirational District

Shillong, Naitung 31: Hynne ka sngi Palei, la pynlong...

Pyllait im ki BSF ia u Rangbah ba shitom jur da kaba kit mardor sha Hospital

Shillong Naitung 31: Ki shipai Border Security Force (BSF),Meghalaya...

Assam | Ai khublei u HImanta ia u CM ka Nagaland ba kyrshan ia ka jingkyndang mynder ri

Guwahati, Naitung 31: U Myntri Rangbah ka jylla Assam...